Categories
Current Affairs Technology

இன்டர்நெட் இல்லாம GPay, PhonePe வழியாக பணம் அனுப்ப முடியுமா! என்னப்பா சொல்றிங்க

இன்றைய காலகட்டத்தில் இன்டர்நெட் வசதி இல்லாமல் டிஜிட்டல் பரிவர்த்தனைகளான கூகுள் பே, போன் பே, அமேசான் பே போன்ற தளங்களில் மூலம் பரிவர்த்தனைகளை மேற்கொள்ளலாம். அதற்கு 50 பைசா மட்டுமே செலவாகும். இதன் முழு விவரம் கீழே கொடுக்கப்பட்டுள்ளது.

GPAY

தற்போதய காலகட்டத்தில் எல்லாமே ஒரு மொபைல் போனில் அடங்கி விட்டது. எதை யார் கேட்டாலும் மொபைலை பார்ப்பதே வாடிக்கையாகிவிட்டது. அதிலும் குறிப்பாக கடந்த கொரோனா காலகட்டங்களில் பொதுமுடக்கத்தால் இணைய வசதி மூலம் வீட்டிலிருந்தபடியே அனைத்து வேலைகளையும் செய்தோம்.

இந்நிலையில் நம்முடைய அத்தியாவசிய தேவைகளுக்கு கையில் பணம் எடுத்து செல்வதில்லை. அதற்கு பதிலாக, டிஜிட்டல் பரிவர்த்தனைகளான கூகுள் பே, போன் பெ, அமெசான் பே போன்ற தளங்களில் அதிகளவில் பயன்படுத்தி வருகிறோம். இன்டர்நெட் இல்லாம GPay, PhonePe வழியாக பணம் அனுப்ப முடியுமா என்றால், முடியும் என்பதே உண்மை. அது எப்படி பண்ணலாம் என்பதை இந்த பதிவில் பார்க்கலாம்.

இன்டர்நெட் இல்லாமல் பணத்தை அனுப்ப விரும்புவோர், முதலில் BHIM செயலில் தங்களை பதிவு செய்து யூபிஐ கணக்கை தொடங்க வேண்டும். அந்த கணக்கில் வங்கியுடன் இணைக்கப்பட்டுள்ள சரியான தொலைபேசி எண்ணை இணைக்க வேண்டும். அடுத்து, உங்கள் மொபைலில் ‘*99#’ என்ற எண்ணிற்கு கால் செய்ய வேண்டும். அப்போது, பணம் அனுப்புவது, பணம் பெறுதல், பேலன்ஸ் தொகை பார்ப்பது, சுய விபரம் ,நிலுவையில் உள்ள கோரிக்கைகள், பண வரித்தனைகள் மற்றும் UPI PIN கொண்ட ஏழு விருப்பங்களைக்கொண்ட மெனு உங்கள் திரையில் தோன்றும்.

பணம் அனுப்ப வேண்டும் என்றால், 1 என என்னைத் தேர்ந்தெடுக்க வேண்டும். இந்த முறை உங்களது UPI ID, வங்கி கணக்கு மற்றும் ஐஎஃப்எஸ்சி (IFSC) கோட் அல்லது தொலைப்பேசி எண்ணைப் பயன்படுத்தி பரிவர்த்தனைகளை மேற்கொள்ள அனுமதியளிக்கிறது. நீங்கள் UPI ஐ தேர்வு செய்தால், பணம் அனுப்ப வேண்டியவரின் UPI ID யை பதிவிட வேண்டும்.

அதேநேரம், நீங்கள் வங்கி கணக்கை தேர்ந்தெடுத்தால், பயனாளியின் கணக்கு எண் மற்றும் ஐஎஃப்எஸ்சி கோட் பதிவிட வேண்டும். ஒருவேளை, மொபைல் நம்பர் ஆப்ஷனுக்கு சென்றால், பணம் அனுப்ப வேண்டியவரின் மொபைல் எண்ணை குறிப்பிட வேண்டும்.

நீங்கள் அனுப்ப விரும்பும் தொகையை பதிவிட வேண்டும். கடைசியாக உங்கள் UPI பின்ணை பதிவிட வேண்டும். தொடர்ந்து, “send” என்பதை கிளிக் செய்ய பணப்பரிவர்த்தனை முடிவடையும். உங்கள் மொபைலுக்கு உடனடியாக கன்பார்ம் மெசேஜ் வரும். எதிர்காலப் பரிவர்த்தனைகளுக்கு பயனாளியின் விவரங்களை சேமிக்க உங்களிடம் அனுமதி கேட்கப்படும். இந்த சேவையை நீங்கள் பயன்படுத்துவதற்கு 50 பைசா மட்டுமே செலவாகும்.

இந்த புதிய செய்தியை கீழே உள்ள வாட்சப் பட்டனை கிளிக் செய்து உங்கள் நண்பர்களுக்கு வாட்சப் மூலமாக ஷேர் செய்யுங்கள்.

Leave a Reply

Your email address will not be published. Required fields are marked *